Ég datt í smá tiltekt um helgina og fann þá í einni eldhússkúffunni kryddjurtasett sem ég hafði keypt í Ikea fyrir nokkrum mánuðum síðan. Ég ákvað að planta fræjunum snöggvast en þau sem voru í pakkanum mínum voru fyrir kóríander, timían og basiliku. Þó truflaði græni liturinn á glösunum mig frekar mikið enda langt frá því að vera minn litur, ég ákvað því að smella bara á glösin smá marmarafilmu sem ég á alltaf ofan í skúffu. Það er líka til dálítið sem heitir blómapottar… en það er fínt að spara nokkra hundraðkalla og nýta þessi pappaglös. Að lokum notaði ég merkivélina mína góðu og bjó til litla límmiða til að sjá hvað er hvað. Núna er næsta skref að plasta glösin eftir leiðbeiningum og bíða í nokkrar vikur eftir ferskum kryddjurtum. Vá hvað mig hlakkar til mmmm.
Og svona leit þetta út fyrir, grænt og fagurt. Ég henti þessu upphaflega ofan í skúffu því ég átti eftir að kaupa mold, en svo komst ég að því í kvöld að það var allann tíman mold ofan í þessu en ekki hvað! Ég er strax búin að ákveða hvað ég ætla að malla úr ferska kóríandernum:)
